दुप्चेश्वर नुवाकोट/ नुवाकोट जिल्ला दुप्चेश्वर गाउँपालिकामा अबस्थित दुप्चेश्वर महादेवको मन्दिरमा लाग्ने जात्रा( दुप्चेश्वर जात्रा ) मंसिर पुर्णिमा जात्रा यहि मंसिर२७ देखि २९ गते सम्म ३ दिन लाग्ने गर्छ । परापुर्वक कालदेखि दुप्चेश्वर मन्दिरमा जात्रा लाग्ने गरेको छ । आगामी मंसिर २७ देखि २९ गते सम्म लाग्ने दुप्चेश्वर जात्राको तयारीमा अहिले दुप्चेश्वर गाउँपालिका लागिरहेको देखिन्छ । बिगतको जस्तै जात्रालाई ब्यबस्थित गर्ने पालिकाले विभिन्न समिति बनाएर काम गरिरहेको कुरा दुप्चेश्वर गाउँपालिका अध्यक्ष शंकर थापाले तादी मिडियालाई बताएका छ्न । केहि बर्ष अघिदेखि गाउँपालिकाले दुप्चेश्वर क्षेत्र बिकास कोषको स्थापना गरि दुप्चेश्वर मन्दिरको आफुहरु लागि परेका कुरा पनि अध्यक्ष थापाले जानाकारी गराउनु भएका छ्न । नुवाकोट जिल्लाको महत्त्व बोकेको दुप्चेश्वर जात्रालाई ब्यबस्थित र सुरक्षीत गराउने उदेश्यका जिल्ला सुरक्षा समितिले पनि बिशेष ध्यान दिने गरेको पाइन्छ । हजारौं हजार मानिसहरु दर्शन गर्ने र मेलाभर्न दुप्चेश्वर महादेव मन्दिरमा घुइँचो लाग्ने हुँदा मेलालाई ब्यबस्थित बनाउनु पर्ने कुरा दुप्चेश्वर क्षेत्र बिकास कोषले जानाकारी गराएको छ । नुवाकोट जिल्ला लगायत देशका विभिन्न जिल्लाहरुबाट मेलाभर्न / जात्रामा उल्लेखनीय मानिसहरुको उपस्थिति रहने गर्छ । नुवाकोटको आर्थिक सामाजिक धार्मिक परम्परालाई टेवा दिदै आएको यो जात्रालाई महत्त्वपूर्ण रुपमा हेरिन्छ । दुप्चेश्वर महादेवको दर्शनले आफुले मागेको कुरा पुरा हुने र सन्तान नभएकाहरुको लागि सन्तान प्राप्तिमा बरदान प्राप्त हुने कुरामा मानिसहरु बिश्वास गर्ने गर्दछ्न । दुप्चेश्वर महादेव मन्दिरमा आफ्नो मनले मागेको कुरा भएको भन्ने धेरैनै जनमानसमा रहेको पनि पाइन्छ । यस दुप्चेश्वर जात्राको तयारीमा सबै कुरा पुरा भएकोले आम जनसमुदायलाई जात्रामा दुप्चेश्वर महादेव मन्दिर आउन दुप्चेश्वर क्षेत्र बिकास कोषले आहावन गरेको छ ।