काठमाडौं। नेपाली बजारमा अहिले इनर्जी ड्रिंकको बजार व्यापक बिस्तार भएको पाइन्छ। बिशेष गरि स्वदेशी उत्पादन ‘एक्स्ट्रिम’ इनर्जी ड्रिंकले छोटो समयमै आफ्नो बजार बिस्तारमा महत्वपूर्ण उपलब्धि पाइरहेको देखिन्छ । तीव्र गतिमा बजार विस्तार गर्दै ‘एक्स्ट्रिम’ले युवा वर्गलाई आकर्षित गर्दै नेपाली उत्पादनको गुणस्तरलाई नयाँ उचाइ दिइरहेको छ। ‘एक्स्ट्रिम’ इनर्जी ड्रिंकको ब्यापार र माग काठमाडौं उपत्यकामा मात्र सिमित नभई देशका प्रमुख शहरहरू पोखरा, विराटनगर, नेपालगञ्ज, धरान,चितवन लगायत देशभर माग बढ्दो छ। विशेष गरी विद्यार्थी, खेलाडी र व्यस्त पेशाकर्मीहरूबीच यो ड्रिंक लोकप्रिय बन्दै गएको पाइन्छ । प्राकृतिक तत्वहरूको मिश्रण गरेर बनाएको यो ड्रिंकले ऊर्जा मात्र होइन, ताजा उत्साह पनि प्रदान गर्छ।
आकर्षक र आक्रामक प्रचार शैली
छोटो समयमा नै सफल ब्राण्ड बन्न ‘एक्सट्रिम’ को सफलताको मुख्य आधार भनेको नै यसको आकर्षक प्रचारप्रसार अभियान हो । सोसल मिडियामा देखिने छोटा–छोटा भिडियोहरू, इन्फ्लुएन्सरहरूसँगको सहकार्य र ‘एक्सट्रिम च्यालेन्ज’ जस्ता कार्यक्रमहरूले युवाहरूलाई प्रत्यक्ष एकआपसमा जोडेको छ । नेपाली उत्पादनलाई विदेशी ब्रान्डसँग प्रतिस्पर्धा गर्न कठिन मानिने नेपाली बजारमा ‘एक्सट्रिम’ ले त्यसलाई गलत साबित गर्दै आफ्नो मूल्य र गुणस्तर सन्तुलन गरेर आफ्नो स्थान एक नम्बर बनाउन सफल भएको छ ।
सकारात्मक प्रतिक्रिया
अहिले बजारमा एक्स्ट्रिमको प्रवेशसँगै चर्चा परिचर्चा सुरु भएको छ । आफ्नो जीवनशैलीमा नियमित प्रयोग गर्ने युवाहरु यसबाट आफुहरु निक्कै उत्साहित र प्रभावित भएको बताउँछन् । उपभोक्ता मात्र होइन व्यवसायीहरु समेत एक्स्ट्रिमको माग धेरै हुँदा आफ्नो ब्यापार बिस्तारमा यस उत्पादनले ठुलो योगदान दिएको बताउँछन् । एक्स्ट्रिमले आगामी दिनमा उत्पादन क्षमता विस्तार गर्दै नेपालमा बनेको गुणस्तरीय उत्पादनलाई विदेशी बजारमा पनि पुर्याउन सके अझ देशको अर्थतन्त्रमा थप योगदान पुग्ने व्यवसायीहरु बताउँछन् । उपभोक्ताहरू विदेशी ब्रान्डको तुलनामा स्वाद र ऊर्जा दुवैमा ‘एक्सट्रिम’ राम्रो र स्वादिलो रहेको धारणा राख्छन ।
आत्मनिर्भर अर्थतन्त्र
नेपालमा ब्यापार घाटा बढ्दो क्रममा रहेका बेला नेपाली अर्थतन्त्रलाई बलियो र आत्मनिर्भर बनाउन ‘एक्सट्रिम’ जस्ता स्वदेशी उत्पादनहरूले महत्वपूर्ण योगदान दिइरहेका छन्। बजार विस्तारसँगै रोजगारी सिर्जना,आयातमा निरुत्साहित,राजस्वमा योगदान तथा स्थानीय कच्चा पदार्थको उपयोगले गर्दा यसले अर्थतन्त्रमा थप सकारात्मक प्रभाव पारेको छ । नेपाली उद्यमीहरूलाई एक्सट्रिमको सफलताले स्वदेशमा केहि गर्ने प्रोत्साहन मिलेको देखिन्छ। ‘एक्सट्रिम’ इनर्जी ड्रिंकले गुणस्तर, आकर्षक प्रचारप्रसार र उपभोक्ता केन्द्रित रणनीतिले नेपाली उत्पादनले पनि अन्तर्राष्ट्रिय स्तरको बजार जित्न सक्छन् भन्ने तथ्य प्रमाणित गरेको छ ।
कार्यक्षमताको खोजी
आजको प्रतिस्पर्धात्मक बजारमा कार्यक्षमता (Productivity) एउटा महत्वपूर्ण विषय र आम प्रतिष्ठा बनेको छ। विद्यार्थीहरू राम्रो नतिजा खोजिरहेका छन् भने कर्मचारीहरू कार्यस्थलमा उत्कृष्ट प्रदर्शन गर्न चाहन्छन्।त्यस्तै व्यवसायीहरू बढी समय सक्रिय रहन चाहन्छन्। खेलाडीहरू आफ्नो प्रदर्शन सुधार गर्न निरन्तर प्रयासरत छन्। यही कारण “Focus”, “Performance”, “Energy” जस्ता शब्दहरू आधुनिक बजारमा अत्यन्त प्रभावशाली बनेका छन्। इनर्जी ड्रिंक ब्रान्डहरूले पनि आफ्नो प्रचार–प्रसारमा यिनै सन्देशहरूलाई प्राथमिकता दिइरहेका छन्। युवा पुस्ता केवल उत्पादनको गुणस्तरबाट मात्र प्रभावित हुँदैन। उनीहरू ब्रान्डको कथा, पहिचान र जीवनशैलीसँग पनि जोडिन चाहन्छन्। यही कारणले इनर्जी ड्रिंक कम्पनीहरूले आफ्नो विज्ञापनमा साहसिक खेल, सफलता, आत्मविश्वास, नेतृत्व क्षमता र उपलब्धिलाई प्राथमिकता दिन्छन्। जब कुनै युवा खेलाडी, जिम प्रशिक्षक वा सफल व्यक्तिसँग ब्रान्ड जोडिन्छ, त्यसले उपभोक्तामा सकारात्मक प्रभाव पार्छ। ‘एक्सट्रिम’ जस्ता ब्रान्डहरूको दृश्यात्मक प्रस्तुति हेर्दा पनि ऊर्जा, गति र उच्च प्रदर्शनलाई प्राथमिकता दिइएको देखिन्छ।यहि कारण आज यो ड्रिंक लोकप्रिय र सबैको रोजाइमा पर्न सफल भएको छ।
