नुवाकोट, जेठ २७ — नेपाल ग्रीन तारा फाउन्डेसनको आर्थिक सहयोग तथा तादी गाउँपालिकाको समन्वयमा निर्माण सम्पन्न भएको सामुदायिक स्वास्थ्य इकाइ भवनको उद्घाटन तथा हस्तान्तरण समारोह तादी गाउँपालिका वडा नं. ६ मा भव्य एवं गरिमामय रूपमा सम्पन्न भएको छ।
कार्यक्रमको सभाध्यक्षता तादी गाउँपालिका वडा नं. ६ का वडा अध्यक्ष सिरिमान तामाङले गर्नुभएको थियो भने प्रमुख अतिथिका रूपमा प्रदेश सभा सदस्य राधिका तामाङको उपस्थिति रहेको थियो। विशेष अतिथिका रूपमा तादी गाउँपालिकाका अध्यक्ष सन्तमान तामाङ तथा विशिष्ट अतिथिका रूपमा उपाध्यक्ष सन्जु प्याकुरेल श्रेष्ठ सहभागी हुनुभएको थियो।
कार्यक्रममा नेपाल ग्रीन तारा फाउन्डेसनका अध्यक्ष बन्दी निमा शेर्पा, संरक्षक तथा संस्थापक तासी तेन्जिङ शेर्पा, महासचिव रविन सर, अच्युत सर, चन्दी चौधरी लगायत फाउन्डेसनका पदाधिकारी तथा प्रतिनिधिहरूको उल्लेखनीय सहभागिता रहेको थियो।
त्यसैगरी राजनीतिक दलहरूको तर्फबाट नेपाल कम्युनिष्ट पार्टी (माओवादी केन्द्र) का संयोजक तथा प्रदेश सभा सदस्य रोशन श्रेष्ठ, पूर्व गाउँपालिका अध्यक्ष नारायणप्रसाद पाण्डे, पूर्व गाउँपालिका उपाध्यक्ष ईश्वर उप्रेती लगायत विभिन्न राजनीतिक दलका प्रतिनिधि तथा स्थानीय अगुवाहरूको समेत गरिमामय उपस्थिति रहेको थियो।
कार्यक्रममा तादी गाउँपालिकाका विभिन्न वडाका वडा अध्यक्ष, वडा सदस्य, जनप्रतिनिधि, समाजसेवी, बुद्धिजीवी, शिक्षक–शिक्षिका, विद्यार्थी तथा स्थानीय बासिन्दाहरूको उत्साहजनक सहभागिता रहेको थियो।
स्थानीय नागरिकलाई आधारभूत तथा गुणस्तरीय स्वास्थ्य सेवा सहज रूपमा उपलब्ध गराउने उद्देश्यले निर्माण गरिएको उक्त सामुदायिक स्वास्थ्य इकाइ भवनको उद्घाटन तथा हस्तान्तरण कार्यक्रम अतिथि, जनप्रतिनिधि तथा स्थानीयवासीहरूको उल्लेखनीय उपस्थितिबीच सफलतापूर्वक सम्पन्न भएको आयोजकले जनाएको छ।
कार्यक्रममा वक्ताहरूले स्वास्थ्य सेवामा नागरिकको पहुँच विस्तार गर्न सामुदायिक स्वास्थ्य इकाइको महत्वपूर्ण भूमिका रहने बताउँदै यसले तादी गाउँपालिका वडा नं. ६ लगायत आसपासका क्षेत्रका नागरिकलाई प्रत्यक्ष लाभ पुग्ने विश्वास व्यक्त गरेका थिए।
समारोहमा नेपाल ग्रीन तारा फाउन्डेसनप्रति भवन निर्माणका लागि हार्दिक आभार व्यक्त गरिएको थियो। साथै कार्यक्रमको सफलताका लागि सहयोग, समन्वय तथा सहभागिता जनाउने सम्पूर्ण व्यक्ति तथा संस्थाहरूप्रति धन्यवाद ज्ञापन गरिएको थियो।
नवनिर्मित स्वास्थ्य इकाइले स्थानीयस्तरमा स्वास्थ्य सेवा सुदृढ गर्दै समग्र स्वास्थ्य क्षेत्रको विकासमा महत्वपूर्ण योगदान पुर्याउने अपेक्षा गरिएको छ।
तादी ६ मा सामुदायिक स्वास्थ्य इकाइ भवन उद्घाटन तथा हस्तान्तरण सम्पन्न
नुवाकोटेहरू अब केरा खेतीबाट आत्मनिर्भर मात्र होइन, आम्दानीमुखी बन्नुपर्छ : अधिवक्ता रामेश्वर भण्डारी
नुवाकोटेहरू अब केरा खेतीबाट आत्मनिर्भर मात्र होइन, आम्दानीमुखी बन्नुपर्छ : अधिवक्ता रामेश्वर भण्डारी
नुवाकोट, / 
अधिवक्ता रामेश्वर भण्डारीले नुवाकोटमा व्यावसायिक केरा खेतीको प्रशस्त सम्भावना रहेको उल्लेख गर्दै स्थानीय कृषकहरूलाई केरा खेतीमार्फत आत्मनिर्भर मात्र नभई राम्रो आम्दानी गर्न सकिने बताएका छन्।
भण्डारीले नुवाकोटका विभिन्न स्थानमा केरा खेतीका लागि उपयुक्त हावापानी, उर्वर भूमि र बजारको पहुँच रहेको उल्लेख गर्दै युवाहरूलाई वैदेशिक रोजगारीको विकल्पका रूपमा कृषि व्यवसायमा आकर्षित हुन आग्रह गरे। उनले भने, “हामी नुवाकोटेहरू अब केरा खेतीबाट आत्मनिर्भर मात्र होइन, केराबाट राम्रो आम्दानी गर्नुपर्छ। आधुनिक प्रविधि, वैज्ञानिक खेती प्रणाली र बजार व्यवस्थापनमा ध्यान दिन सके केरा खेती आर्थिक समृद्धिको बलियो आधार बन्न सक्छ।”
उनका अनुसार नेपालमा वार्षिक रूपमा ठूलो परिमाणमा केरा आयात भइरहेको अवस्थामा स्थानीय उत्पादन वृद्धि गर्न सके आयात प्रतिस्थापनसँगै कृषकको आयस्तर पनि बढाउन सकिन्छ। उनले कृषि क्षेत्रमा राज्यले आवश्यक प्राविधिक सहयोग, सिँचाइ सुविधा, अनुदान तथा बजार व्यवस्थापनमा विशेष ध्यान दिनुपर्ने बताए।
भण्डारीले नुवाकोटका कृषकहरूलाई व्यावसायिक तथा सामूहिक खेतीतर्फ अग्रसर हुन सुझाव दिँदै कृषि उत्पादन, प्रशोधन र बजारीकरणलाई एकीकृत रूपमा अघि बढाउनुपर्ने धारणा व्यक्त गरे। उनले कृषि नै नेपालको आर्थिक विकास र रोजगारी सिर्जनाको महत्वपूर्ण आधार भएको उल्लेख गर्दै केरा खेतीलाई नुवाकोटको पहिचान र समृद्धिसँग जोड्नुपर्नेमा जोड दिए।
स्थानीय कृषकहरूले समेत केरा खेतीबाट राम्रो आम्दानी हुन थालेपछि यसतर्फ आकर्षण बढ्दै गएको बताएका छन्। कृषिसम्बन्धी विज्ञहरूका अनुसार उचित व्यवस्थापन र आधुनिक प्रविधिको प्रयोग गर्न सके नुवाकोटमा केरा खेतीले ठूलो आर्थिक सम्भावना बोकेको छ।
मुलुकमा बढ्दो हत्याहिंसा र मानव अधिकारको अवस्था : नेपाल कता जाँदै छ ? – अधिवक्ता रामेश्वर भण्डारी
हालका दिनहरूमा नेपालमा पारिवारिक विवाद, सामान्य झैँ देखिने झगडा, आर्थिक लेनदेन, सामाजिक सम्बन्ध तथा सानातिना असमझदारीका कारण समेत हत्या जस्ता जघन्य अपराध हुने घटनाहरू बढ्दो रूपमा सार्वजनिक भइरहेका छन्। यसले समाजमा असहिष्णुता, नैतिक मूल्यको ह्रास र कानुनी शासनप्रतिको कमजोर विश्वासलाई संकेत गर्दछ।
मानव अधिकारको दृष्टिकोणबाट हेर्दा, जीवनको अधिकार प्रत्येक व्यक्तिको मौलिक तथा सार्वभौमिक अधिकार हो। नेपालको संविधानले पनि प्रत्येक नागरिकलाई सम्मानपूर्वक बाँच्न पाउने हक सुनिश्चित गरेको छ। त्यस्तै विश्व मानव अधिकार घोषणापत्रले पनि जीवन, स्वतन्त्रता र सुरक्षाको अधिकारलाई आधारभूत मानव अधिकारका रूपमा स्वीकार गरेको छ।
तर, सामान्य विवाद र पारिवारिक असमझदारीमै मानिसको ज्यान जाने अवस्था सिर्जना हुनु चिन्ताजनक विषय हो। यसले केवल कानुन कार्यान्वयनको चुनौती मात्र होइन, सामाजिक चेतना, नैतिक शिक्षा, मानसिक स्वास्थ्य, पारिवारिक सम्बन्ध र सामुदायिक उत्तरदायित्वका पक्षहरू पनि कमजोर बन्दै गएको संकेत गर्दछ।
राज्यको प्रमुख दायित्व नागरिकको जीवन र सुरक्षाको प्रत्याभूति गर्नु हो। अपराध नियन्त्रण, प्रभावकारी अनुसन्धान, दोषीलाई कानुनी दायरामा ल्याउने कार्य र न्याय सम्पादनमा राज्य अझ संवेदनशील र उत्तरदायी बन्न आवश्यक छ। साथै, विद्यालय, परिवार, समुदाय तथा सञ्चार माध्यममार्फत सहिष्णुता, संवाद, सामाजिक सद्भाव र कानुनी चेतनाको विकास गर्नुपर्ने आवश्यकता देखिएको छ।
आज प्रश्न उठेको छ—नेपाल कता जाँदै छ? यसको उत्तर निराशामा होइन, कानुनी शासनको सुदृढीकरण, सामाजिक उत्तरदायित्व, नैतिक मूल्यको पुनःस्थापना र मानव अधिकारको सम्मानमा निहित छ। सभ्य, सुरक्षित र न्यायपूर्ण समाज निर्माणका लागि राज्य, नागरिक समाज र आम नागरिक सबैको साझा प्रयास अपरिहार्य छ।
प्रधानमन्त्री शाहको सीमासम्बन्धी अभिव्यक्तिविरुद्ध सदनदेखि सडकसम्म विरोध
काठमाडौं, प्रधानमन्त्री बालेन्द्र शाहले प्रतिनिधिसभा बैठकमा नेपाल–भारत सीमा सम्बन्धमा दिएको अभिव्यक्तिविरुद्ध राजनीतिक दल तथा विभिन्न संगठनहरूले सदन र सडक दुवै ठाउँमा विरोध जनाएका छन्। उक्त अभिव्यक्तिका कारण सोमबार प्रतिनिधिसभा, राष्ट्रिय सभा तथा बागमती प्रदेशसभा बैठकसमेत प्रभावित भएका छन्।
प्रधानमन्त्री शाहले आइतबार संसद्मा बोल्दै “नेपालले पनि भारतको भूमि मिचेको कुरा आफू प्रधानमन्त्री भएपछि थाहा पाएको” बताएका थिए। सोही अभिव्यक्तिलाई लिएर प्रमुख प्रतिपक्षी नेपाली कांग्रेस, नेकपा (एमाले), नेकपालगायतका दल तथा तिनका भ्रातृ संगठनहरूले विरोध प्रदर्शन गरेका हुन्।
एमाले काठमाडौं जिल्ला कमिटीको आह्वानमा माइतीघर मण्डलामा प्रदर्शन गरिएको थियो। प्रदर्शनकारीहरूले “राष्ट्रघाती प्रधानमन्त्री राजीनामा दे” र “राष्ट्रघाती अभिव्यक्ति फिर्ता लेऊ” जस्ता नारा लगाएका थिए। एमालेले प्रधानमन्त्रीको अभिव्यक्ति तथ्यहीन, गैरजिम्मेवार तथा राष्ट्रहितविपरीत भएको आरोप लगाएको छ।
कांग्रेस निकट युवा तथा विद्यार्थी संगठनहरूले पनि राजधानीमा प्रदर्शन गर्दै प्रधानमन्त्रीविरुद्ध नाराबाजी गरेका छन्। प्रदर्शनका क्रममा नेपाल विद्यार्थी संघका केही नेताहरू पक्राउ परेका छन्। कांग्रेसले पक्राउ परेका विद्यार्थीलाई तत्काल रिहा गर्न माग गरेको छ।
तरुण दलले समेत प्रधानमन्त्रीको अभिव्यक्तिको विरोध गर्दै विभिन्न प्लेकार्डसहित प्रदर्शन गरेको थियो। त्यस्तै, नेकपाको जेन–जी संगठन रेड फोर्स नेपालले पनि विरोध प्रदर्शन गरेको छ। नेकपाले आफ्ना जनवर्गीय संगठनहरूलाई देशव्यापी आन्दोलनमा उतार्ने निर्णय गरेको जनाएको छ।
कांग्रेसले प्रधानमन्त्रीको अभिव्यक्तिलाई अक्षम्य, आपत्तिजनक र घोर निन्दनीय भनेको छ। कांग्रेस प्रवक्ता देवराज चालिसेद्वारा जारी विज्ञप्तिमा नेपालको सार्वभौमिकता, भौगोलिक अखण्डता र राष्ट्रिय सुरक्षासँग जोडिएको संवेदनशील विषयमा प्रधानमन्त्रीबाट गैरजिम्मेवार अभिव्यक्ति आएको उल्लेख गरिएको छ।
यस्तै, एमाले महासचिव शंकर पोखरेलले जारी गरेको विज्ञप्तिमा प्रधानमन्त्रीको अभिव्यक्तिले नेपालको स्थापित राष्ट्रिय अडान तथा कूटनीतिक दाबीलाई कमजोर बनाएको आरोप लगाइएको छ।
नेकपाले पनि प्रधानमन्त्री शाहको अभिव्यक्तिको निन्दा गर्दै यसलाई राष्ट्रिय सार्वभौमसत्ता, भौगोलिक अखण्डता तथा ऐतिहासिक तथ्यविपरीत रहेको जनाएको छ।
प्रधानमन्त्रीको अभिव्यक्तिलाई लिएर राजनीतिक वृत्तमा विवाद बढ्दै जाँदा सदनको नियमित कार्यसूचीसमेत प्रभावित बनेको छ भने विभिन्न दलहरूले थप आन्दोलनका कार्यक्रम घोषणा गर्ने संकेत गरेका छन्।
तत्कालको समाचार
Как вывести деньги из Pin Up Casino: быстрые и безопасные способы
Вывод денег из онлайн-казино — важный аспект, который заботит многих игроков. Быстрые и безопасные способы получения выигрышей являются неотъемлемой...
Godz Casino live games: your gateway to an immersive gaming experience
Welcome to the exciting world of online gaming, where the thrill of winning meets the comfort of home. At...
Maximize your fun with Supabet: Top casino games and seamless payment...
When it comes to enhancing your online gaming experience, exploring the world of casino games is essential. Supabet stands...