बेलकोटगढी नुवाकोट /नुवाकोट बेलकोटगढी नगरपालिका १० तादी खोलाको घुमाउने दहमा पौडी खेल क्रममा डुबेर २ जना युवाको मृत्यु
भएको छ । मृत्यु हुनेमा ककनी गाउँपालिका ४ का १८ वर्षीय हिमाल तामाङ र बेलकोटगढी १३ का १९ वर्षीय रोजन लामा रहेका छन् ।जिल्ला प्रहरी कार्यालय नुवाकोटका प्रहरी नायव उपरीक्षक (डीएसपी) तिलक भारतीका अनुसार शनिबार दिउँसो १ बजेतिर ५/६ जना युवाहरु तादी खोलामा पौडी खेल्न गएमा दुई जनाको डुबेर मृत्यु भएको हो ।दुई युवा पौडी खेल्ने क्रममा डुबेको खबर प्राप्त हुनसाथ खटिएको टोली प्रहरी टोलीले बेहोस् अवस्थामा उद्धार गरी त्रिशूली अस्पताल पुर्याइएकोमा चिकित्सकले उनीहरुलाई मृत्यु भएको घोषणा गरेको डीएसपी भारतीले बताएका छन ।
