अधिवक्तालाई सरकारी कार्यालयमा सहज पहुँच आवश्यक — अधिवक्ता रामेश्वर भण्डारी

अधिवक्तालाई सरकारी कार्यालयमा सहज पहुँच आवश्यक — अधिवक्ता रामेश्वर भण्डारी
नेपालमा विधिको शासन र लोकतन्त्रलाई सुदृढ बनाउन अधिवक्ताहरूको भूमिका अत्यन्त महत्वपूर्ण हुन्छ। तर, व्यवहारमा अझै पनि धेरै सरकारी कार्यालयहरूमा अधिवक्ताहरूलाई सहज रूपमा प्रवेश गर्न र सेवाग्राहीको पक्षमा काम गर्न अनावश्यक अवरोधहरू सिर्जना हुने गरेको छ।
अधिवक्ता रामेश्वर भण्डारीका अनुसार, “यदि अधिवक्ताहरूलाई नेपाल सरकारका सबै निकायहरूमा निर्बाध रूपमा जाने वातावरण सुनिश्चित गरिएन भने, यसले न्याय प्रणाली कमजोर बनाउने मात्र होइन, लोकतन्त्र नै खतरामा पार्न सक्छ।”
यसै सन्दर्भमा, नेपाल सरकारले सिंहदरबार परिसरमा अधिवक्ताहरूको प्रवेशमा लगाएको रोकप्रति अधिवक्ता भण्डारीले गम्भीर ध्यानाकर्षण भएको जनाउनुभएको छ। उहाँका अनुसार यस्तो निर्णयले सेवाग्राहीको न्यायमा पहुँच सीमित गर्ने र कानुनी सहायता प्राप्त गर्ने अधिकारमा प्रत्यक्ष असर पार्नेछ।
सरकारले सेवाग्राहीको अधिकार सुनिश्चित गर्न, पारदर्शिता कायम गर्न र विधिको शासनलाई मजबुत बनाउन अधिवक्ताहरूको पहुँचलाई सहज र सुरक्षित बनाउन आवश्यक छ।