नुवाकोट जिल्लाका परिवर्तनकारी योद्धा तथा प्रगतिशील लोकतान्त्रिक पार्टी (प्रलोपा) का केन्द्रीय सदस्य एवं बागमती प्रदेश समिति अध्यक्ष मण्डलका अध्यक्ष राजन गौतम (नकुल) चयन हुनुभएकोमा विभिन्न क्षेत्रबाट बधाई तथा शुभकामना व्यक्त गरिएको छ।
उहाँलाई शुभकामना दिँदै वक्ताहरूले राजन गौतम (नकुल) को राजनीतिक यात्रा सधैं जनताको हित, लोकतन्त्रको सुदृढीकरण र सामाजिक न्यायको पक्षमा केन्द्रित रहँदै आएको उल्लेख गरेका छन्। नवदायित्वसँगै उहाँको कार्यकाल सफल रहोस् र पार्टी तथा समग्र लोकतान्त्रिक आन्दोलनलाई थप सशक्त बनाउने विश्वास व्यक्त गरिएको छ।
साथै, उहाँको नेतृत्वमा बागमती प्रदेशमा पार्टी संगठन सुदृढ भई जनमुखी राजनीति अगाडि बढ्ने अपेक्षा समेत गरिएको छ।
