काठमाडौं । सन्चार तथा सूचना प्रविधिमन्त्री जगदीश खरेलले राष्ट्रिय सहमति कायम भए नेपालमा ई–भोटिङ (विद्युतीय मतदान प्रणाली) लागू गर्न सकिने बताएका छन्। प्रविधिको विकाससँगै निर्वाचन प्रणालीलाई आधुनिक, पारदर्शी र सहज बनाउने विषयमा सरकार सकारात्मक रहेको उनले स्पष्ट पारे।
मन्त्री खरेलका अनुसार ई–भोटिङ लागू गर्न कानुनी, प्राविधिक तथा सुरक्षा पक्षमा व्यापक तयारी आवश्यक हुन्छ। “सबै राजनीतिक दल, सरोकारवाला निकाय र जनस्तरबाट राष्ट्रिय सहमति बनेमा सरकारले ई–भोटिङतर्फ अघि बढ्न सक्छ,” उनले भने।
उनले ई–भोटिङले मतदाताको सहभागिता बढाउने, खर्च घटाउने र मतगणनालाई छिटो तथा विश्वसनीय बनाउने सम्भावना रहेको उल्लेख गरे। तर साइबर सुरक्षा, प्रणालीको विश्वसनीयता र ग्रामीण भेगमा पहुँचजस्ता चुनौतीहरूलाई समाधान नगरी लागू गर्न नहुने उनको भनाइ थियो।
सरकारले आगामी दिनमा सरोकारवालासँग छलफल गर्दै सम्भाव्यता अध्ययन र आवश्यक कानुनी सुधारका प्रक्रिया अघि बढाउने मन्त्री खरेलले जानकारी
