किसानका समस्या सुन्न पञ्चकन्यामा जनप्रतिनिधि–कृषक संवाद
नुवाकोट । पञ्चकन्या गाउँपालिकामा किसानका समस्या, कृषि उत्पादन र बजारीकरणका विषयमा केन्द्रित ‘कृषकसँग जनप्रतिनिधि’ कार्यक्रम सम्पन्न भएको छ। कृषि विकास शाखाको आयोजनामा २०८३ साल बैशाख २२ गते कार्यक्रम सम्पन्न गरिएको हो।
गाउँपालिकाका अध्यक्ष तेज बहादुर तामाङको
अध्यक्षतामा सम्पन्न कार्यक्रममा उपाध्यक्ष बिमला के.सी., कृषि विकास कार्यालय नुवाकोटका प्रमुख श्रीकृष्ण अधिकारी, राष्ट्रिय कृषि आधुनिकीकरण कार्यक्रम नुवाकोटका प्रमुख रविन्द्र पौडेल तथा वागबानी विकास केन्द्र नुवाकोटका प्रमुख रुकमनी अधिकारीको उपस्थिति रहेको थियो।
त्यसैगरी प्रमुख प्रशासकीय अधिकृत हिराधन राई, विभिन्न वडाका वडा अध्यक्षहरु, कार्यपालिका तथा गाउँसभा सदस्यहरु, शाखा प्रमुखहरु, वडा तथा मातहत कार्यालयका कर्मचारीहरु, रुडेक नेपालका अध्यक्ष मिन कुमार केसी तथा प्रतिनिधिहरु, सहकारी संस्थाका प्रतिनिधिहरु र कृषकहरुको उल्लेखनीय सहभागिता रहेको थियो।
