नेपाल चलचित्र कलाकार संघको अध्यक्षमा विजयी उत्तम केसीलाई अधिवक्ता भण्डारीको बधाई
काठमाडौ 
। नेपाल चलचित्र कलाकार संघको अध्यक्ष पदमा अत्याधिक मतका साथ विजयी हुनु भएका वरिष्ठ कलाकार उत्तम केसीलाई अधिवक्ता रामेश्वर भण्डारीले हार्दिक बधाई तथा सफल कार्यकालको शुभकामना व्यक्त गरेका छन् ।
तादी मिडिया प्रा.लि. नुवाकोटका अध्यक्ष समेत रहेका अधिवक्ता भण्डारीले जारी शुभकामना सन्देशमा उत्तम केसीको नेतृत्वमा नेपाली चलचित्र क्षेत्र अझ सशक्त, व्यवस्थित र कलाकारहरूको हक–हित संरक्षणमा प्रभावकारी भूमिका निर्वाह हुने विश्वास व्यक्त गरेका छन् ।
उनले नेपाली चलचित्र क्षेत्रको विकास, कलाकारहरूको सम्मान, पेशागत सुरक्षा तथा सिर्जनशील वातावरण निर्माणमा नयाँ नेतृत्व सफल हुने अपेक्षा समेत गरेका छन् ।
अधिवक्ता भण्डारीले कला, संस्कृति र चलचित्र क्षेत्र राष्ट्रको पहिचानसँग जोडिएको महत्वपूर्ण क्षेत्र भएकाले यसको संरक्षण र प्रवर्द्धनमा सबै पक्षको सहकार्य आवश्यक रहेको बताएका छन् ।
