काठमाडौँ, तारकेश्वर क्षेत्रमा गुणस्तरीय शिक्षाका लागि परिचित सृजना ज्ञानसागर सेकेण्डरी स्कूलले यस वर्षको माध्यमिक शिक्षा परीक्षा (SEE) २०८२ मा उल्लेखनीय सफलता हासिल गरेको छ। परीक्षामा सहभागी सबै विद्यार्थी उत्तीर्ण हुँदै विद्यालयले शतप्रतिशत नतिजा ल्याउन सफल भएपछि विद्यालय परिवारमा खुसी छाएको छ।विद्यालयले यस सफलतालाई विद्यार्थीहरूको निरन्तर मेहनत, शिक्षकहरूको समर्पित शिक्षण र अभिभावकहरूको विश्वासको संयुक्त उपलब्धिका रूपमा लिएको छ। शैक्षिक उत्कृष्टतासँगै अनुशासन, संस्कार र नैतिक शिक्षालाई प्राथमिकता दिँदै आएको विद्यालयले निरन्तर उत्कृष्ट नतिजा निकाल्दै आएको छ।विद्यालयका प्रिन्सिपल राजेन्द्र प्रसाद फुयाँलले सफल विद्यार्थीहरूलाई बधाई दिँदै उनीहरूको उज्ज्वल भविष्यको कामना गर्नुभएको छ। उहाँले भन्नुभयो,
“यो सफलता सम्पूर्ण सृजना ज्ञानसागर परिवारको साझा मेहनत र समर्पणको परिणाम हो। विद्यार्थीहरूले आगामी दिनमा पनि ज्ञान, अनुशासन, आत्मविश्वास र सदाचारलाई आत्मसात गर्दै समाज र राष्ट्रका लागि जिम्मेवार नागरिक बन्न सफल होऊन् भन्ने हाम्रो अपेक्षा छ। तारकेश्वर क्षेत्रमा शैक्षिक गुणस्तरका कारण छुट्टै पहिचान बनाएको यस विद्यालयले हरेक वर्ष नतिजामा सुधार गर्दै आएको छ। “हामी केवल विद्यार्थी होइन, सक्षम र जिम्मेवार नागरिक निर्माण गर्छौं” भन्ने उद्देश्यका साथ विद्यालयले शिक्षण गतिविधि सञ्चालन गर्दै आएको जनाएको छ।विद्यालयले SEE मा उत्कृष्ट सफलता हासिल गर्ने विद्यार्थीहरूलाई विशेष सम्मान गर्ने कार्यक्रमसमेत आयोजना गर्ने तयारी गरेको छ। साथै, आगामी शैक्षिक यात्रामा अझ ठूलो सफलता हासिल गर्न विद्यार्थीहरूलाई प्रेरित गरिएको विद्यालयले जनाएको छ।
