ढुन्डीराज–रामबहादुर स्मृति अक्षयकोषद्वारा मालिका माविका विद्यार्थीलाई शैक्षिक सामग्री वितरण
नुवाकोट ।
बेलकोटगढी नगरपालिका–६ स्थित श्री मालिका माध्यमिक विद्यालयका संस्थापकहरूको नाममा स्थापित ढुन्डीराज–रामबहादुर स्मृति अक्षयकोषको तर्फबाट आर्थिक वर्ष २०८२ का लागि विद्यालयका विद्यार्थीहरूलाई शैक्षिक सामग्री वितरण गरिएको छ।
विद्यालय परिसरमा आयोजित कार्यक्रममा बेलकोटगढी नगरपालिकाका प्रमुख जगतबहादुर गुरुङ, वडा नं. ६ का अध्यक्ष अम्बिका तामाङ, मालिका माविका
प्रधानाध्यापक केशव बाँस्कोटा, गौलिङ्गेश्वर माध्यमिक विद्यालय व्यवस्थापन समितिका अध्यक्ष कमलराज सुवेदी लगायत विभिन्न क्षेत्रका व्यक्तित्वहरूको उपस्थिति रहेको थियो।
अक्षयकोषमार्फत विद्यार्थीहरूको शैक्षिक विकासमा सहयोग पुर्याउने उद्देश्यले सामग्री वितरण गरिएको जनाइएको छ। कार्यक्रममा सहभागी अतिथिहरूले शिक्षाको गुणस्तर अभिवृद्धि तथा विपन्न तथा जेहेन्दार विद्यार्थीहरूलाई प्रोत्साहन गर्ने यस्ता कार्यको प्रशंसा गरेका थिए।
यस वर्ष शैक्षिक सामग्री प्राप्त गर्ने विद्यार्थीहरूमा:
सिता तामाङ – कक्षा ८
कञ्चना तामाङ – कक्षा ७
राजु तामाङ – कक्षा ६
आशिष तामाङ – कक्षा ५
उत्सव तामाङ – कक्षा ३
रहेका छन्।
अक्षयकोषका तर्फबाट कार्यक्रम सफल बनाउन सहयोग पुर्याउने सम्पूर्ण महानुभावप्रति हार्दिक धन्यवाद व्यक्त गर्दै सामग्री प्राप्त गर्ने विद्यार्थीहरूको उज्ज्वल शैक्षिक भविष्यको शुभकामना व्यक्त गरिएको छ।
