नुवाकोट खरानीटार ।
तादी गाउँपालिकाको समन्वय र नेपाल ग्रीन तारा फाउन्डेसनको आयोजनामा सञ्चालन भएको तादी उपाध्यक्ष कप महिला भलिबल प्रतियोगिता प्रदेशसभा सदस्य तथा पूर्वमन्त्री राधिका तामाङद्वारा उद्घाटन गरिएको छ।
कार्यक्रममा प्रमुख अतिथिका रूपमा उपस्थित प्रदेशसभा सदस्य राधिका तामाङले प्रतियोगिताको उद्घाटन गर्दै खेलकुदले महिला सशक्तीकरण, नेतृत्व विकास तथा सामाजिक एकता अभिवृद्धिमा महत्वपूर्ण भूमिका निर्वाह गर्ने बताइन्।
कार्यक्रममा नेपाल ग्रीन तारा फाउन्डेसनका अध्यक्ष, संस्थापक अध्यक्ष, विभिन्न विद्यालयका
प्रधानाध्यापकहरू लगायतका व्यक्तित्वहरूको विशेष आतिथ्यता रहेको थियो। साथै विभिन्न विद्यालयका विद्यार्थी, शिक्षक, अभिभावक तथा नागरिक समाजका प्रतिनिधिहरूको उल्लेखनीय उपस्थिति रहेको थियो।
प्रतियोगिताको अध्यक्षता तादी गाउँपालिकाकी उपाध्यक्ष सन्जु प्याकुरेलले गरेकी थिइन्। कार्यक्रमलाई सम्बोधन गर्दै उपाध्यक्ष प्याकुरेलले महिलाहरूको खेल प्रतिभा उजागर गर्न तथा खेलकुदमार्फत स्वस्थ र सक्रिय समाज निर्माण गर्ने उद्देश्यले प्रतियोगिता आयोजना गरिएको बताइन्।
